காதல் செய்யும் மாயம்

உன்னோடு நடை பழகிய பிறகு
நான் தனியே நடக்கும் போது
என்ன அதிசயம்
எந்தன் நிழல் கூட எனக்கு பாரமாய் தெரிகிறது
எல்லாம் காதல் செய்யும் மாயம்!!!!!!!!!!

காதலித்து பார்

காதலின் நினைவுகளுடன் நீ வீதியினில்
தனியே நடக்கும் போது வானம் தூவும்
மழைத்துளிகள்  நம் மீது விழும் போது கூட
மலர்கள் நம்மீது விழுவதாய் தான் தோன்றும்
காதலித்து பார்!!!!!!!!!!!!!!

கவலை படாதே

என்னவளே
நான் உன்னுடன் இல்லையென்று
கவலை படாதே நான் உன்னோடும்
உந்தன் உயிரோடும் கலந்து
வாழ்ந்து கொண்டு தான் இருக்கிறேன் 
வேண்டுமானால் உன் இதயதுடிப்பை
உற்று கேட்டுப்பார் என்ன சொல்லி துடிக்கிறதென்று
லப்டப் என்றா இல்லை என் கதலை சொல்லியா ?

அடம்பிடிக்கிறது

என்ன ஆச்சரியம்
காதலை எழுதும் போது மட்டும்
என் பேனா ஆனந்தமாய் கண்ணீர்விடுகிறது -ஆனால்
மற்றவைகளை பற்றி எழுதும் போது
ஏனோ கஷ்ட படுகிறது போலும்
எழுதாமல் அடம்பிடிக்கிறது
ஒரு வேளை என் பேனாவும்
உன்னை காதலி்க்க ஆரம்பித்து விட்டதோ !!!!!!!!!!!

உறுத்துகிறது

முள்ளின் மேல் கைகள் பட்டும் வலிக்கவில்லை
கால்கள் இரண்டும் கல்லில் பட்டும் வலிக்கவில்லை
கண்கள் இரண்டில் துசி விழுந்தும் உறுத்தவில்லை
ஆனால் வலிக்கிறது உறுத்துகிறது
என்னவள் முத்தத்தை எனக்கு தராமல்
அவள் பக்கத்து வீட்டு குழந்தைக்கு
கொடுக்கும் போது மட்டும்!!!!!!!!!!!

பயமாம்

என்னவள் என்னிடம் சொன்னாள்
 நான் கவிதை எழுதுவதை தவிர்க்க சொன்னாள்
ஏன் என்றேன்
அவளோ சிரித்து கொண்டே இப்போதெல்லாம்
என்னை விரும்புவதை காட்டிலும்
என் கவிதைகளை அதிகம் விரும்புகிறாளாம் 
எங்கே என்னை மறந்து
என் கவிதைகளைமட்டுமே காதலிக்க 
ஆரம்பித்து விடுவோமா என்ற பயமாம்!!!!!!!!!!!

பஞ்சு மிட்டாய்

என்ன ஆச்சரியம்
காதல் ஒரு சுகமான உணர்வு
உன்னை காதலித்த பிறகு 
தினம் தினம் என் வீட்டு வழியே
விற்று செல்லும் பஞ்சு மிட்டாயை
பார்த்தால் கூட
அவள் முகம் தான் ஞாபகம் வருகிறது

விடுதலை

இன்று என் கற்பனைகளுக்கு
விடுமுறை வேண்டுமாம் கெஞ்சுகிறது
என்னிடம் எதற்கு என்றேன்
அவைகளும் ஒருநாளாவது என்னவளிடம்
என்னிடம் படும் அவஸ்த்தையை சொல்லி
தயவு செய்து என்னை காதலிக்க
சொல்லி முறையிடவாம்
பாவம் அவைகளுக்கு தெரியவில்லை போலும்
நீ என்னை காதலித்தால் மட்டும்
விடுதலை கிடைத்து விடுமா என்னிடமிருந்து!!!!!!!!!!!!!!!

அவள்

அவள்
என் வாழ்வில்
நேற்றைய கனவு
இன்றைய நிழல்
நாளைய நிஜம்!!!!!!!!!!!!!!!

பார்க்க தேவையில்லை

நான் இதுவரை தேவதைகளை பற்றி
பிறர் சொல்ல கேட்டிருக்கிறேன்
ஆனால் பார்த்ததில்லை
இனியும் பார்க்க தேவையில்லை
என்னவளை பார்த்த பிறகு!!!!!!!!

புரிகிறதென்று

இரவு பகல் பாராமல்
கவிதையை இல்லை இல்லை
காதலை எழுதுகிறேன்
பொருத்திருந்து பார்க்கிறேன்
எப்போது தான்
என் காதல்
அவளுக்கு புரிகிறதென்று !!!!!!!!!!!!

விசித்திரமானது

நான் ஜாதி மாற்றியும்
காதலிக்கவில்லை
நான் மதத்தை மாற்றியும்
காதலிக்கவில்லை இருந்தாலும்
என் காதலை மறுக்கிறாள் 
காதலர்களே பாருங்கள்
காதல் எவ்வளவு விசித்திரமானது என்று !!!!!!!!!!!!

உண்மையாகவா

நான்
என் காதலியிடம்
அதிகம் பேசுவதில்லையாம் 
உண்மையாகவா என்றேன்
அவளோ சிரித்து கொண்டே
 உன்னை விட  என் கவிதை
அதிகம் பேசுகிறதாம்
அவள் மீது
நான் கொண்ட காதலை!!!!!!!!!!!!

பைத்தியம்

என் காதலை சொன்னால்
என்னை பைத்தியகாரன் என்கிறாள்
எப்படி அவளுக்கு புரியவைப்பேன்
என் பைத்தியம் அவள் மீதென்று.....

இரசிக்கிறது.

என்னவள்
என் கவிதைகளை
 இரசிக்கிள்
என்ன ஆச்சரியம் இங்கு
ஒரு கவிதை
இன்னொரு கவிதையை  இரசிக்கிறது!!!!!!!!!

தோல்வி

இன்றும்
அவள் அழகோடு
போட்டிபோட்டு தோற்று போனது
என் எதிர் வீட்டு ரோஜா
பாவம் அவள் கடந்து சென்றதும்
தன் இதழ்களை உதிர்த்து
தோல்வியை ஒப்பு கொண்டது....

குறை

என்னவள் என்னிடம் வந்து
குறை கூறுகிறாள்
அவள் வீட்டு கண்ணாடி
அவளை சரியாக பிரதிபளிக்கவில்லையாம்
ஒருவேளை அவள் வீட்டு
கண்ணாடி கூட அவளை பார்த்து
வெட்கப்படுகிறது போலும்!!!!!!!!!!!

உதட்டு சாயம்

உன்னை யாரடி
உதட்டு சாயத்தையெல்லாம் வானிற்கு
கடனாய் கொடுக்க சொன்னது
மாலை நேரத்தில் வானத்தை பார்
உலகமே வியக்கும் அளவிற்கு
பூசிக்கொண்டு என்னை பார்த்து
ஏளனம் செய்கிறது
தினம் தினம் !!!!!!!!!!!!!!!